طبق خفيف وصحي

موضوع: طبق خفيف وصحي 2009-04-17, 12:30 pm

السلام عليكم والرحمة ..

طبق خفيف وصحي ولا فيه الا ملعقة زيت بس .. ان شاء الله تعجبكم .. وبالعافيه مقدماً

بسم الله ..

المقادير :

صدر دجاجة مسلوق ومقطع قطع متوسطه ( مع حفظ المرق)
½ بصلة مفرومة
1 طماطم متوسطة
1 ملعقة طعام صلصة طماطم
2 بطاطس صغيره مقطعة مكعبات
1 باذنجانه صغيرة مقطعة مكعبات
1 فلفل حار
1 ليمون اسود
بهارات (كاري – كركم – ملح – فلفل)

الطريقة :

تسلق الدجاجة ببهارات السلق ويحفظ المرق
يصف البطاطس والباذنجان فيه صينية مدهونة ويوضع بفرن حار إلى أن يتشقر لونه ( ممكن يقلى .. لكن شخصيا لا افضل القلي .. زيادة دهون على الفاضي الشوي نفس الطعم واخف واصح

في هذا الأثناء ضعي الطماطم مع الصلصة وربع كوب ماء في الخلاط واخلطي

جيبي مقلاة اضيفي البصل المفروم والثوم وهيل حب وعود قرفة وحمري لين مايشقر ثم اضيفي الدجاج

قلبي لين مايتحمر الدجاج نوعاً ما ثم اضيفي خلطة الطماطم وبهري بالبهارات المذكوره اعلاه ولا تضيفين بهار اخر لان المرق بسرعة ياخذ طعم البهار

بعدين اضيفي مرق الدجاج المصفى و الخضار ( البطاطس و الباذنجان) وسكري عليه عشان يطبخ على نار متوسطة

بعد 10 دقائق اضيفي حبة الفلفل الحار و الليمون الاسود وخليه لين ينضج

( تعرفين انه نضج : لما يصير السائل كثيف شوي والبطاطس شوي مهتريه "شوي بس" )

وبس ياستي .. قديمه مع الرز الابيض وبألف عافيه على قلوبكم